დენსიტომეტრია

ჩვენს კლინიკაში შეგიძლიათ ჩაიტაროთ ძვლის მინერალური სიმკვრივის გამოკვლევა ოქროს სტანდარტად მიიჩნეული ორმაგენერგეტიკული რენტგენოაბსორბციომეტრით, იგივე DEXA (Dual-energy X-ray absorptiometry) დენსიტომეტრით.

 

დენსიტომეტრია წარმოადგენს ინსტრუმენტული კვლევის მეთოდს, რომლის მეშვეობითაც ადგენენ ძვლის მინერალურ სიმკვრივეს - ოსტეოპოროზის ხარისხს.

 

დენსიტომეტრია არის ყველაზე ზუსტი, დაბალინვაზიური, ხელმისაწვდომი, უმტკივნეულო, სწრაფი და მარტივი მეთოდი.  დენსიტომეტრიის ჩატარება მიზენშეწონილია: პოსტმენოპაუზური ასაკის ქალბატონებისთვის; 60-70 წელს გადაცილებული მამაკაცებისთვის; მათთვის, ვისაც გადაუტანია ან ამჟამად აქვს მოტეხილობა (განსაკუთრებით - უმნიშვნელო ტრავმით გამოწვეული), ესტროგენული დეფიციტი, ტოქსიკური ჩიყვი, თირკმლისა და ღვიძლის ქრონიკული დაავადებები, რევმატოიდული ართრიტი, ხერხემლის პათოლოგიები და სხვა ქრონიკული დაავადებები. ასევე საყურადღებოა ისეთი რისკ-ფაქტორები, როგორებიცაა ალკოჰოლისა და ყავის ჭარბი მიღება, თამბაქოს მოხმარება, რძის ნაწარმით ღარიბი რაციონი, ცხოვრების უმოძრაო წესი, მოტეხილობებით დამძიმებული მემკვიდრეობა, წონის დეფიციტი.